-Almmuhus-
OĐĐASATFinnmárkulaš váidá veagalváldimiid duppalit nu olu go earát

Finnmárkulaš váidá veagalváldimiid duppalit nu olu go earát

-

-

Buohtastahtton muđui riikkain, váidojuvvo duppalit nu olu veagalváldin Finnmárkkus dan ektui man olu olbmot doppe orrot.

Finnmárkku politiijat registrerejedje 62 veagalváldinváidaga diibmá. Dat mearkkaša ahte juohke duhát ássi váiddii 0,81 veagalváldima. Vástideaddji lohku ránnjafylkkas Romssas lea 0,44 ja 0,37 olles riikkas, dieđiha NRK geat leat vuđolaččat geahččan Kripos-raporta veagalváldindilálašvuođa birra diibmá.

 

Politiijat eai sáhte čielgasit vástidit mii dasa lea sivvan, eará go ahte ássiin davvin sáhttá leat vuolit rádji mannat politiijaid luhtte. Liikká dadjá áššáskuhttinjođiheaddji Morten Daae ahte eai sáhte šiitit ahte Finnmárkkus leat eambbo seksuálalaš veagalváldimat go lullelis.

– Dán oaidnit maid eará árktalaš guovlluin. Oaidnit dan seamma Ruonáeatnamis, davvin Kanadas ja Alaskas buohtastahtton USA:in. Ruoŧa ja Suoma bargoustibat Ruoŧas ja Suomas dadjet dan seamma: Lea eambbo veagalváldin davvin, muitala Daae NTB:i.

-Almmuhus-