-Almmuhus-
OĐĐASAT«Eallu» árvaluvvon vuoitit

«Eallu» árvaluvvon vuoitit

-

-

Sámi ja eará árkta­laš nuoraid vuoššangirji «Eallu» lea árvaluvvon vuoitit njeallje bálkkašumi Gourmand Awards vuorrorámádusas Kiinnás. 

Gourmand Awards geige bálkkašumiid ihttin máilmmi buoremus vuoššangirjjiide.

Vuorrorámádus lea Kiinnás ja oasseváldit badjel 200 riikkas leat nammaduvvon.

 

Čuovvu bálkkašupmegeige­jumiid

Sámi áššiid stáhtačálli Anne Karin Olli čuovvu bálkkašupmegeige­jumiid ja illuda go sámi nuorain lea vejolašvuohta fasket máŋga bálkkašumi. 

– Lea stuora illu go sámi ­nuoraid vuoššangirji «Eallu» lea árvaluvvon njeallje bálkkašumi vuoitit, ja sis lea maiddái vejo­lašvuohta fasket riikkaidgaskasaš vuorrorámádusa Gourmand Awards váldobálkkašumi. Ráđđehusa ulbmil lea láhčit dili nu ahte sápmelaččat besset ovddidit kultuvrraset ja gielaset, ja danin sávvat buori ovttasbarggu rájáid rastá, dadjá Gieldda- ja ođasmahttin­departemeantta stáhtačálli Anne Karin Olli preassadieđáhusas. 

Eallu-prošeakta lea guorahallan árktalaš boazodolliid borramuškultuvrra.

Vuoššangirjji lea Árktalaš ráđđi ruhtadan ja prošeavtta lea Riikkaidgaskasaš boazodoaloguovddáš jođihan. 

-Almmuhus-