Bearjadaga čađahedje politiijat ohcanákšuvnna Kárášjogas, go muhtin guđátlot-jahkásaš almmái lei dieđihuvvon jávkan.
Guđátlot-jahkásaš almmái gávdnui dearvan lávvardaga čuovganeapmái, dieđihit politiijat.
Son ii lean iežas skohtera luhtte go gávdnui.
Jávkosis gaskavahko rájes
Ifinnmark čállá ahte almmái ii lean dihtton gaskavahku rájes. Son lei mannan meahccái ja su olbmot álge imaštit gos lea, danne ohcagohte su.
Diibmu 22.38 bearjadateahkeda dieđihedje politiijat ahte leat gávdnan albmá skohtera, skohter gávdnui beannot kilomehter lulábealde Leaibejávrri.
Politiijat dasto ohcagohte su lahkosis ja váile ovttas ihkku dieđihedje ahte almmái lea gávdnon.
– Son váldo mielde dearvvašvuođaiskosiidda sihkarvuođa dihte, čállet politiijat.
