-Almmuhus-
OĐĐASATMiljovdnabeale olbmo leat registrerejuvvon bivdin

Miljovdnabeale olbmo leat registrerejuvvon bivdin

-

-

Bivdojagi 2017-2018 loahpas  ledje badjelaš 500 000 olbmo dieđihuvvon Bivdiidrregistarii. Nissonolbmuid lohku ain lassána.

Oktiibuot ledje 431 475 almmáiolbmo ja 70 376 nissonolbmo dieđihuvvon Bivdiidregistarii  2017-2018 bivdojagi.

– Lea vuosttaš háve go Norggas leat dan mađe ollu bivdit, dieđiha Statistihkalaš guovddášdoaimmahat.

 

Eambbo nissonolbmot bivdet

14 proseantta dieđihuvvon bivdiin leat nissonolbmot, juoidá mii lea vihtta proseantta eambbo go jagi ovdal. Nissonolbmuid rekrutteren joatká, ja 29 proseantta sis geat cevze bivdogeahččaleami diibmá ledje nissonolbmo.

2013-2014 rájes leat nissonolbmot lassánan, dan rájes leat 26 proseantta eambbo nissonbivdit.

 

Eanemus bivdit

Trøndelágas leat eanemus registrerejuvvon bivdit, gos leat oktiibuot 69 416 dieđihuvvon bivdin.

 

Finnmárkkus máksán eanemus bivdodivada

202 299 olbmo leat máksán bivdodivada 2017-2018 ovddas ja besse dan oktavuođas bivdit.

Finnmárkkus ledje eanemus máksán bivdodivada, oktiibuot 16 proseantta almmáiolbmo ja golbma proseantta nissonolbmo mákse divada Finnmárkkus.

– Davvi-Trøndelágas leat leamašan guhkit áigge eanemus dieđihuvvon bivdit. Maŋŋá Trøndelága fylkkaid ovttastahttima, de lea Finnmárku váldán badjelaš vuosttaš saji, dadjá Statistihkalaš guovddášdoaimmahaga eana-, areála- ja vuođđoealáhusossodaga seniorráđeaddi, Trond Amund Steinset.

(©NTB)

-Almmuhus-