Mannan ija lei sihke skohterlihkohisvuohta ja promilladárkkisteamit Finnmárkkus, dan čállet Finnmárkku politiijat Twitteris.
Mannan ija lei sihke skohterlihkohisvuohta ja promilladárkkisteamit Finnmárkkus, dan čállet Finnmárkku politiijat Twitteris.
Mannan ija čađahedje politiijat promilladárkkisteami gaskal Kirkonjárgga ja Hessenga. 12 biilavuoddji dárkkistuvvo ja buohkain ledje áššit ortnegis.
Skohterlihkohisvuohta
Leaibevuonas roasmmohuvai muhtin olmmoš skohterlihkohisvuođas mannan ija. Sihke Seaking gádjunhelikopter, Ambulánsa ja politiijat fidne báikkis.
Áittii politiijaid
Álttás biddjui muhtin giddagassii maŋŋá go áittii politiijaid. Son galgá leat giddagasas dassái go politiijat dutkagohtet su.
Álttás maid váido muhtin almmái go gávnnahalai almmolaččat gužžadeamen.
Politiijat ožžo maid dieđu ahte nuorat ledje festemin muhtin dálus Álttás, go politiijat jovde báikái lei feasta jo nohkan.
Juhkanvuođas vuodjimin
Beal golmmas ihkku čállet politiijat Twitteris ahte Álttás bissehuvvui muhtin vuodjimin ATV:in, vuoddji várohuvvui juhkanvuođas vuodjimin ja politiijat dolvo su varraiskosii ja dutkagohtet ášši.
Lobihis vuodjin
Lávvardaga eahkeveaigge gávnnahalle golbma albmá 30-jagiin Kárášjogas lobiheamet vuodjimin skohteriiguin meahcis.
