-Almmuhus-
OĐĐASATCWD-dávdda gávdnan Suomas

CWD-dávdda gávdnan Suomas

-

-

CWD-dávda lea gávdnon jápmán ealggas Suomas, ja dieđihuvvo ahte lea vuosttaš geardde go dát dávda gávdno Suomas.

Dávda lea gávdnon Kuhmo báikkis, mii lea Gaska-Suomas. Lei 15 jagi boares ealga mii lei lunddolaččat jápmán, dieđiha Suoma biebmobearráigeahčču Evira.

Norga lei áidna riikka Eurohpás gos dát dávda lea gávdnon, muhto dál dieđihuvvo dávda gávdnon Suomas. 2018:s álggahuvvui vuđolet goziheapmi Suomas ja viđa eará Eurohpáriikkas.

Suomas áigot dárkilet gozihit dávdda Kuhmos ja Kainuu guovllus. Bivdit galget maid oažžut lassidieđuid movt galget bivddus dahkat, jus orru dárbu, dieđiha Evira.

 

CWD-dávda lea dábálaččat gávdnon Davvi-Amerihkás, muhto dávda mii gávdnui Suomas, ii leat juste seamma dávda go dat mii lea Davvi-Amerihkás. Dál leat gávnnahan ahte lea seamma dávda go dat mii lea Norggas gávdnon.

-Almmuhus-