FeFo lea ožžon olles 143 doarjjaohcamuša Ruoná doarjagiid vuosttaš juolludanvuorus.
FeFo lea ožžon olles 143 doarjjaohcamuša Ruoná doarjagiid vuosttaš juolludanvuorus.
– Doarjjaortnet lea hirbmat bivnnut, ja dat lea min mielas issoras illudahtti, lohká Eirik Palm, kommunikašuvnna ja servodatoktavuođa jođiheaddji.
Ruoná doarjagat leat leamaš bivnnuhat vuosttaš juolludeami rájes mii dahkkui 2007:s. Dan rájes lea juolluduvvon 10,7 miljovnna loaktimii, doaimmaheapmái álbmotdearvvašvuhtii Finnmárkkus.
Dan jagi lea ortnet viiddiduvvon, ja Ruoná-doarjja-bohttu lea aliduvvon 1,2 miljovnna ruvdnui, eanaš doarjagiid divadat mat leat čadnon ortnegii leat unniduvvon dahje heaittihuvvon, ja doarjaga bajimus rádji lea aliduvvon.
6,3 miljovnna
– Mii háliidit loaktima, ássanhálu ja álbmotdearvvašvuođa Finnmárkui, ja ahte ortnet deaivá nu oallugiid go vejolaš. Danne leat mii lasihan Ruoná doarjagiid. Ja finnmárkulaččat leat vástidan: Doarjjaortnet lea hirbmat bivnnut, dadjá kommunikašuvnna ja servodatoktavuođa jođiheaddji, Eirik Palm preassadieđáhusas.
Go ohcanáigi dievai guovvamánu 15. beaivvi ledje boahtán olles 143 doarjjaohcamuša. Ohccon supmit ledje muhtun duháha rájes gitta supmiide main leat guhtta logu, ja dahket oktiibuot 6,34 miljovnna ruvnno.
Buorit ohcamušat
Ruoná doarjja njuolggadusain daddjo ahte eaktodáhtolaš searvvit, ovttastusat ja organisašuvnnat main leat báikkálaš searvvit eanet go viđa gielddas Finnmárkkus, sáhttet ohcat doarjaga doaibmabijuide. Dasa lassin sáhttá FeFo addit doarjaga earáide go leat stuorit ovttasbargoprošeavttat ja doaibmabijut mat buvttihit doaimmaid oallugiidda.
– Leat ožžon ohcamušaid hui buriid doaibmabijuide, ja geográfalaččat fátmmastit dat eanas gielddaid fylkkas. Čuovvovaš vahkuid galgá FeFo juolludanjoavku geahčadit ohcamušaid ja juolludit doarjagiid, lohká Palm.
Stivra gieđahallá stuorát ohcamušaid
Nugo diibmá, vuoruhit ohcamiid guovlluin main FeFo árbevirolaččat lea ožžon unnán ohcamušaid. Doarjjaohccit geat ovdal leat ožžon doarjaga fertejit leat buktán oanehis raportta oktan rehketdoaluin jus galget leat mielde juolludanvuorus.
Ođđa ortnet lea viidáseappot nu ahte stivra ferte gieđahallat ohcamušaid badjel 50.000 ruvnno maidda lea árvaluvvon addit doarjaga. Dat mearkkaša ahte muhtun ohcamušat eai leat loahpalaččat gieđahallon ovdal loahpageahčen cuoŋománu. Ohcciide addo diehtu dađistaga.
Boahtte áigemearri ohcat ruoná doarjaga lea 2018 čavčča.
