Álttás leat guokte biilavuoddji váidon politiijáide go eai leat doarvái bures faskkon biilaláse.
Ikte maŋŋit eahket bissehedje politiijat biilla mas eai lean doarvái bures faskojuvvon láset.
Okta gávccátlotjahkásaš nisu váidui politiijáide dan oktavuođas.
Dan čállet politiijat Twitteris.
Sii dieđihit maid ahte nubbi eará biilavuoddji maid bissehuvvui Álttás, son lea váidon dál politiijáide go ii leat doarvái bures faskkon lásiid biillas.
Álttás lea ge hui buolaš dán váhkkoloahpa leamaš.
Yr.no čájeha ahte Álttá girdihámmanis lei bearjadaga buollašeamos maŋemus 30 beaivvis, namalassii 21, 8 buolašceahki. Ii leat imáš go jikŋot láset.
