Galgaba leamaš gárrenoaivvis go rievideigga.
Diibmu 14:35 dieđihit Finmmárku politiijat ahte sii leat váldán guokte nieidda gitta, go várohuvvoba vearredahkkin rievdideami oktavuođas mii geavai Álttás Narvesen nammásaš kioskas mannan sotnabeaivvi eahket.
Finnmárkku politiijaguovllu operašunjođiheaddji Jan Olav Schjølberg almmuha ahte nubbi nieida lea gaskkavahkku eahkes juo váldon gitta, ja nubbi fas duorastat iđidida.
– Mii meinet dál duŧkat ášši viidáseappot ja gažadit nieiddaguoktá, muitala Schjølberg.
Ožžon olu cavgilemiid
Operašunjođiheaddji almmuha ahte politiijaid bargu maid leat bargan maŋŋil dáhpáhusa dagahii ahte gávnnahedje geat soitet leat vearredahkkit, dasá lassin go leat ožžon olu cavgilemiid olbmuiguin.
Galgaba leat gárrenmirkkuid atnán go rievdideigga
– Dát lea hui erenoamáš ášši politiijaide. Nieiddaguoktás ii leat kriminealla duogáš, muhto lea sáhka ahte leaba dádjon gárrenmirkkuidguin ja geavvan dákkáš dillái, dadjá Kenneth Nilsen iFinnmarkai.
Duorastaga leat politiijat hupman sihke siinguin geat ledje barggus kioskas sotnabeaivve ja nieiddaguoktá váhnemiidguin/ovddasteddjiiguin.
