Muhtin 24-jahkásaš dievdu Romssas lea biddjon giddagassii ja lea áššáiduhtton go galgá leat 50-jahkásaš bargoustiba ožžon juhkat borri golgosa. Dievdu ii mieđit iežas sivalažžan.
Muhtin 24-jahkásaš dievdu Romssas lea biddjon giddagassii ja lea áššáiduhtton go galgá leat 50-jahkásaš bargoustiba ožžon juhkat borri golgosa. Dievdu ii mieđit iežas sivalažžan.
Áššáiduhtton dievdu galgá ožžon iežas bargoustiba Coop Obs bygg fitnodagas Romssas jugistit garrasorttat revrebuhtistanbuktaga mii lei Red Bull bohttalis, čállá Nordlys.
Dáhpáhus lei duorastaga iđit. Bearjadaga válde gitta dievddu, ja lávvordaga mearridii Davvi-Romssa diggegoddi bidjat su háldogiddagassii vahkkui.
Dutket ášši
Politiijaadvokáhtta Gøril Lund muitala Nordlysii ahte dál lea dehálaš politiijaide gávnnahit manne čađahii dan dagu.
Eai leat vel sihkkarat lei go mielaeavttus vai ávvirmeahttun movt lei gieđahallan golgosa.
– Lea ain árrat dutkamis. Galgat dál geahččalit oažžut čielgasii lea go subjektiivvalaš sivalašvuohta, vai lei go áššáiduhtton dievddus makkár ge motiiva, dahje lei go ávvirmeahttunvuohta su bealis, muitala Lund Nordlysii.
Ráidneme revrriid
Áššáiduhtton dievddu bealušteaddji, Svein Kristian Wikstrøm, lohká dáhpáhusa leat vahágin.
– Sis ledje bárttit revrriiguin, sihke hivssetráiggis ja čáhcerevrres, ja bargit galge ieža čoavdit bártti, vaikko jođiheaddjit dihte dan bártti birra. Dan dihte lei borri buvtta biddjon unnibuš bohttalažžii, mii vájalduvvui rádjui. Dát dat lei maid gillájeaddji lei jugistan, muitala Wikstrøm, ja duođašta ahte su klieanta ii mieđit iežas sivalažžan.
Stabiila vuoimmis
Gillájeaddji lea Davvi-Norgga Universitehtabuohcciviesus dál. Doppe dieđihedje bearjadaga NTB:i ahte dievdu lea bahut roasmmohuvvan, muhto stabiila vuoimmis dál.
(©NTB)
