Šattut ja ruotnasat gilvalit bohccobiergguin vuoitit stuora gudnebálkkašumi, mii lea dán jagáš našunála fitnodatovdánahttinbálkkašupmi eanandoalus, ja lea garra gilvu.
Šattut ja ruotnasat gilvalit bohccobiergguin vuoitit stuora gudnebálkkašumi, mii lea dán jagáš našunála fitnodatovdánahttinbálkkašupmi eanandoalus, ja lea garra gilvu.
Dat golbma fitnodaga mat gilvalit vuoitit dán stuora bálkkašumi, leat Vestfolda fitnodat Bjærtnes og Hoel AS, Rogalándda fitnodat Jone Wiig Gartneri AS, ja Lulli-Trøndelága fitnodat Rørosrein AS.
Nana vuoigŋa ja valljivuohta
– Dán jagi leat fas golbma buori ja gelddolaš fitnodaga nammaduvvon dán jagáš bálkkašupmái. Lea garra gilvu, mii muitala ahte lea valljivuohta, ja fitnodatálggahanvuoigŋa lea nanus dáin ealáhusaid miehtá riikka. Ii leat leamaš álki válljet vuoiti, muhto lea dehálaš bargu beassat válljet nu buriid ja gelddolaš gilvaleddjiid gaskkas, muitala Innovašuvdna Norgga hálddasluslaš direktevra Anita Krohn Traaseth.
Govven: Tom Gustavsen / MayLinda / Nadia Frantsen
Grüne Woches almmuhuvvo
Bálkkašupmi geigejuvvo Berlinas ođđajagemánu 18. beaivvi máilmmi stuorámus eanandoallo- ja biebmomeassuid, «Internationale Grüne Woche», oktavuođas.
Doppe lea eanandoallo- ja biebmoministtar Jon Georg Dale ja direktevra Inger Solberg Innovašuvdna Norgga bealis geat juohkiba gudnebálkkašumi, ja vuoiti beassá ruoktot dollet 250 000 ruvnnuin.
– Lean hirpmahuvvan go oainnán man vuohkkasit eanandoallu nagoda čájehit gánnáhahtti fitnodathutkosa. Dat golmmas mat leat nammaduvvon našunála giliovdánahttinbálkkašupmái 2017, čájehit ođđamállet jurddašeami boazodoalus ja šaddoealáhusas, dadjá ministtar Jon Georg Dale.
– Rápmásat kulturárbbiin
Rørosrein AS lea vuosttaš bohccobiergofitnodat mii lea dán gilvvus mielde.
– Mii leat hui giitevaččat go leat dán bálkkašupmái nammaduvvon. Lea ihána dohkkeheapmi dan barggus mii lea dahkkon min fitnodagas, erenoamážit min čeahpes bargiin, muitala Eva Nordfjell Rørosrein AS fitnodagas.
– Leat ollu diimmut gollan ásaheapmái ja fitnodaga šaddamii. Mii leat čađat deattuhan kvalitehta ja leat lihkolaččat go beassat bargat ja birget bohccuiguin. Mii leat hui rápmásat iežamet kulturárbbiin, dadjá Eva Nordfjell.
Rørosrein lea vuosttaš boazodoallodoaibma mii lea vuoitán eanandoalu ovdánahttinbálkkašumi fylkkadásis.
Fylkavuoitit gilvalit riikadásis
Innovatiiva eanandoalloovdánahtti fitnodatovdánahttinbálkkašupmi eanandoalus lea juhkkon 1997 rájes.
Juohke fylkkas lea okta vuoiti mii oažžu 50 000 ruvnno, ja fylkavuoitit, mat besset finálii, mannet našunála gilvui, mas vuoitu lea 250 000 ruvnno lassin gudnebálkkašupmái.
Bálkkašupmi manná dakkár fitnodahkii mii lea ásahan hutkás ja nanaguoddevaš fitnodaga dahje ealáhusa mas leat gili ja eanandoalu resurssat vuođđun.
