Bargoaddit háliidit virgádit olbmuid geat leat leamaš barggu haga ovdalii go olbmuid geat leat čađahan bargohárjehallama Nav bokte, muitala Nova dutkanrapporta.
Bargoaddit háliidit virgádit olbmuid geat leat leamaš barggu haga ovdalii go olbmuid geat leat čađahan bargohárjehallama Nav bokte, muitala Nova dutkanrapporta.
– Nuorat geat leat leamaš bargohárjehallamis ráŋggáštuvvojit ovttalágiin dan dihte go leat leamaš bargohárjehallamis. Sii eai leat árvvoštallojuvvon leat seamma dohkálažžan go sii geat leat leamaš áibbas barggu haga, muitala dutki Christer Hyggen NRK:i.
Bargoaddiin negatiiva assosiašuvdna
Dutki ja su bargoustibat sáddejedje 5000 ráhkaduvvon CV-čállosa bargoaddiide geat ledje ođđa bargiid ozus. Iskkadeapmi muitala ahte dakkár ohcci geas lea bargohárjáneapmi Nav bokte, oažžu 17 proseantta unnit čuoggáid bargoaddis go ohcci geas seamma gelbbolašvuohta lea, muhto ii leat bargohárjáneapmi.
– Jáhkán sivvan leat ahte bargoaddit eai leat sihkkarat mii dat bargohárjáneapmi rievtti mielde lea. Dasa lassin lea ollugiin negatiiva assosiašuvdna daidda geat ožžot Nav bokte veahki, dadjá Hyggen.
Go muhtin lea bargohárjehallandoaimmas Nav bokte, de lea sus muhtinlágan praksisáigi muhtin bargosajis. Hyggen čállá dutkanartihkkalis ahte bargohárjehallan lea eanemus adnon doaibma mii oažžu nuoraid fas bargoeallimii.
(©NTB)
