«Sámi logut muitalit 10» ja ođđa neahttasiiddu almmuhuvvojit gaskavahkku skábmamánu 16. beaivve Diehtosiiddas Guovdageainnus.
Sámi statistihka fágalaš analysajoavkkus lea logijagi ávvudeapmi, áigumuš seminárain lea juohkit dieđuid sámi statistihka iešguđet beliid birra ja digaštallat surggiid gos dárbbašit eanet statistihka.
Gaskavahku skábmamánu 16. beaivvi lágiduvvo fágabeaivvi sámi statistihka birra Diehtosiiddas Guovdageainnus.
Semináras almmuhuvvojit «Sámi logut muitalit 10» ja sin ođđa neahttasiiddut.
– Mii sáhttit suođđat ahte «Sámi logut muitalit 10» sisttisdoallá deaŧalaš statistihka earret eará sámi musihka, teáhtera ja lávdedáidaga birra, sámegiela ovddideami birra nubbingiellan, doaimmashehttejuvvon sápmelaččaid vealaheapmi birra ja eanadoalu birra sámi guovlluin. Eará sisdoalu eat vuos muital, dadjá stáhtadiehtti ja Sámi statistihka fágalaš analysajoavku jođiheaddji Kevin Johansen preassadieđáhusastis.
Nubbigiellaoahppit eai šatta guovttegielagin
Sámi musihkas lea fuomášupmi čadnojuvvon iešguđet beliide.
Dás leat earret eará miellagiddevaš analysat juoiganárbevieru ja oahpahusvejolašvuođaid sohkabealdimenšuvnnaid ektui.
Sihke politihkkáriin ja sis geat barget giellaoahpahusain lea leamaš ollu fuomášupmi sámi gillii. Danne lea ohppiidlogu rievdan ja dat man muddui oahppit šaddet guovttegielagin hui áigeguovdil, čállá Sámediggi preassadieđáhusas.
– Mis ii leat ovdamearkka dihte vuođđu čuoččuhit ahte nubbigiellaoahppit eai šatta guovttegielagin, ja dat vuolgá das go eanaš oahppit ožžot buriid árvosániid. Mii čujuhit maid riikkaidgaskasaš dutkamii mii duššin dahká myhta ahte mánát ohppet giela jođáneappot go ollesolbmot, dadjá Kevin Johansen.
Šibitdálu badjel beliin unnon
Dieđusge dás eai leat dušše statistihkka, logut ja treanddat. Teáhter ja lávdedáidda lea okta dain kapihttaliin mas evttohit oainnuid ja daguid boahtteáiggi ektui.
– Eanadoalu ektui sámi guovlluin sáhttit namuhit ahte šibitdálut muhtun guovlluin leat badjel beliin unnon dan áigodagas maid geahčadit, almmá muitaleamis menddo ollu, dadjá Johansen.
Semináras áigot muđui ovddidit máŋga deaŧalaš fáttá, nu go sámedigge- ja stuorradiggeválggaid buohtastahttin ja sámi guhkesáiggi statistihka.
