-Almmuhus-
-Almmuhus-
-Almmuhus-
OĐĐASATGalgá vuovdán, cábmán ja nihttán moarsis

Galgá vuovdán, cábmán ja nihttán moarsis

-

-

Muhtun Finnmárkku dievdu lea áššáskuhtton go galgá guhkit áiggi illastan moarsis. Galgá earret eará gáibidan ahte son galgá iežas vuovdit.

Roavvámus oasit áššáskuhttimis leat dáhpáhusat mat leat geavvan gaskal 2010 ja 2012. Dan dieđiha Sør-Varanger aviisa.

Dievdu galgá gáibidan ahte ovttasássi galgá anášit, man ovddas dievdu galgá ožžon mávssu, juogo ruđa dahje narkotihka.

Nisu galgá leamaš nu amfetamiidna-gárremiin ahte ii leat nagodan vuosttaldit.

 

Cábmán, nihttán ja čuvvodan

Áššáskuhttimis boahtá maid ovdan ahte dievdu galgá cábmán nissonolbmo, nihttán goddit su, ja čuvvodan su vai ii beasa mannat gosa dáhttu.

iFinnmark čállá ahte lea nubbi nisu, geainna dievdu maŋŋel orui ovttas, galgá maid gillán fysalaš ja psykalaš veahkaválddálašvuođa.

– Son buvahalai su, duhkoštalai nu ahte vuovttat besse, dearppai su diŋggaid njeaiga, ja nihtii báhčit ja goddit su, čuožžu áššáskuhttimis.

Dievdu sáhttá dubmehallat máŋgga jagi giddagassii. (©NTB)

-Almmuhus-