– Buot dearvvašvuođabargit, geain leat oktavuođat pasieanttaiguin, berrejit váldit influeansaboahku. Dearvvašvuođabargit berrejit maid váikkuhit nu ahte pasieanttat geat leat riskajoavkkuin ožžot fálaldaga boahkuhuvvot, ávžžuha Pandemiija- ja epidemiijalávdegoddi.
– Buot dearvvašvuođabargit, geain leat oktavuođat pasieanttaiguin, berrejit váldit influeansaboahku. Dearvvašvuođabargit berrejit maid váikkuhit nu ahte pasieanttat geat leat riskajoavkkuin ožžot fálaldaga boahkuhuvvot, ávžžuha Pandemiija- ja epidemiijalávdegoddi.
– Mii vuorjašuvvat go dušše 12 proseantta dearvvašvuođabargiin váldet influensaboahku. Mii ávžžuhit ahte buot dearvvašvuođabargit váldet boahku geain lea oktavuohta pasieanttaiguin, suddjen dihte pasieanttaid, iežaset ja sin lagamuččaid, lohká dearvvašvuođadirektevra Bjørn Guldvog gii jođiha lávdegotti. Dán čállá Dearvvašvuođadirektoráhtta preassadieđáhusas.
Ollu boarrásat jápmet
Juohke jagi njoammu influensa birrasii 10 proseantta Norgga álbmogii. Vaikko ollugat dearvvašnuvvet eai ge leat bistilis vigit, de buhcet ollugat nu garrasit ahte šaddet duohtabuohccit ja gevvet buohccivissui.
Juohke jagi jápmet sullii 900 olbmo Norggas maŋŋel go leat buohcan influeanssain, ja eatnasat leat boarrásat.
Ávžžuha bargat ovttas
Máilmmi dearvvašvuođaorganisašuvnna mihttu lea ahte 75 proseantta riskajoavkkuin váldet boahku. Vuollel 30 proseantta risikojoavkkus Norggas leat boahkuhuvvon, ja dušše 12 proseantta dearvvašvuođabargiin.
Go Norggas leat nu ollugat geat eai váldde boahku, de buhcet maid ollugat bahuid.
– Mii fertet buohkat bargat ahte nu ollugat go vejolaččat ožžot jahkásaš boahku, muitala Guldvog preassadieđáhusas.
