Finnmárkku opmodat lea ožžon 75 ohcama Ruonádoarjja ortnegii. Searvvit ja joavkkut 17 suohkaniin Finnmárkkus leat sádden Ruonádoarjja ohcama.
Finnmárkku opmodat lea ožžon 75 ohcama Ruonádoarjja ortnegii. Searvvit ja joavkkut 17 suohkaniin Finnmárkkus leat sádden Ruonádoarjja ohcama.
Earret Gáŋgaviika ja Ákŋoluovtta suohkaniin ledje buot eará suohkaniin boahtán ohcamušat Finnmárkkuopmodaga ruoná doarjagiidda. Eanemus ohcamat ledje boahtán dain báikkiin gos FeFos leat kantuvrrat, nu movt Álttás, Porsáŋggus, Čáhcesullos ja Mátta-Várjjagis.
Galgá álki ohcat doarjaga
– Dát lea vuosttašceahkkefálaldat servviide ja joavkkuide, geain lea mihttu ovddidit orrunmovtta, doaimmaid ja buori álbmotdearvvašvuođa. Galgá leat álki ohcat doarjaga, ja mii sávvat ahte eambbogat ohcet dain báikkiin gos eai leat nu máŋga ohcamuša boahtán dál, muitala meahccehálddašeaddji Lena Kristiansen.
Geahča geat leat ožžon doarjaga dás.
Čakčii nubbi juolludeapmi
Čakčii almmuhit fas nuppi oasi ruoná doarjagiin, ja de sáhttet earát ohcat dáid doarjagiid. Sii geat vuosttaš juolludeamis ožžo doarjaga, eai sáhte nuppi juolludanvuorus oažžut fas doarjaga.
Oktiibuot ohccui 1,77 miljovnna ruvnno iešguđet doaimmaide.
Eanemus mátkelágidemiide, doaluide ja doaimmaide juolluduvvui ruhta.
