-Almmuhus-
-Almmuhus-
-Almmuhus-
OĐĐASATRadioaktiiva balvva gáldu ozus

Radioaktiiva balvva gáldu ozus

-

-

Maŋŋel go radioaktiiva balva fuomášuvvui Finnmárkku bajábealde, de leat gávdnan judda-131 áimmus máŋgga riikkas Eurohpás, muhto eai dieđe gos dat lea vuolgán.

Ođđajagemánu 9. beaivvis 16. beaivái registrerejuvvui radioaktiiva judda Báhčaveiávžži mihtidanstašuvnnas, sullii kilomehtera Ruošša rájis.

Mihtidanboađus sáddejuvvui Eurdepii, mii lea EU-kommišuvnna vuogádat gosa galgá dieđihit suotnjarastima, čállá Nationen.

 

Mirkosuođđan mii lea viidát mannan

Ii gollan nu guhkes áigi ovdal go seamma bohtosat ledje mihtidemiin Suomas, Polenis, Tsjekkias, Duiskkas, Frankriikkas ja Spanias, juste dien ortnetvuorus. Maŋŋel vuosttaš mihtideami ođđajagemánus, oaččui mihtidanstašuvdna fas seamma bohtosiid ođđasit.

– Sáhttá leat mirkosuođđan mii lea dáhpáhuvvan máŋga beaivvi, dahje dat lea ođđa suođđan. Mii jáhkkit ahte suođđan boahtá seamma rusttetbirrasis mii ráhkada radioaktiiva dálkasiid, go eat leat mihtidan eará radioisotohpaid mat dábálaččat čuvvot go lea lihkohisvuohta, ovdamearkka dihte váimmusfápmorusttegis, earret judda-131, muitala Stáda suonjardanbearráigeahču ossodathoavda Astrid Liland.

 

Eai dieđe sihkkarit gos vulggii

– Rievddadeaddji dálkki ja biekka dihte lea váttis oaidnit dárkilit gos suođđan lea boahtán, muhto dieđáhusaid mielde orru boahtán juoga sajis Nuorta-Eurohpás, lohká son.

Judda-131 geavahuvvo suonjardivššus ja lea atomareáktora ja váimmusfámolaš vearjjuid bázahus. Judda-131 ii gávdno luonddus go dat jávká jođánit gávcci beaivvis. Dan dihte sáhttá stuora vahága dahkat dan ovdal. (©NTB)

-Almmuhus-