-Almmuhus-
OĐĐASATDievdu bážáhalai ja jámii riebanbivddus Romssas

Dievdu bážáhalai ja jámii riebanbivddus Romssas

-

-

Okta 26-jahkásaš dievdu jámii go bážáhalai riebanbivddus Báhccavuonas Romssas. Politiijat dutket ovtta dievddu áššis.

– 26-jahkásaš jámii maŋŋel go lei roasmmohuvvan, dieđiha Romssa politiijaguovlu preassadieđáhusas gaskavahkku iđit.

Politiijat ožžo dieđu dáhpáhusa birra badjelaš diibmu 19:s disdat eahkeda. Regiovdnaleansmánne Andreas Nilsen lohká NTB:ii ahte sii oaivvildit dáhpáhusa leat bivdolihkohisvuohtan.

 

– Doalai vearjju

Lei 41 jahkásaš dievdu gii bážii, son lea áššáiduhtton, gažaduvvon ja čohkká politiijaid hálddus.

– Son lea čilgen ahte doalai vearjju, lohká Nilsen guhte ii hálit dađi eambbo muitalit das maid 41-jahkásaš dievdu lea muitalan.

Dál galgá jurista árvvoštallat galgá go almmái gáibiduvvot háldogiddagassii vai sáhttet go su luoitit mannat.

Dát guokte olbmá galgaba leat leamašan oahppásaččat ja goappašagat galgaba leat Báhccavuona suohkanis eret.

Ášši dutket viidáset ja lagamuččat leat ožžon dieđu dáhpáhusa birra. 
(NTB)

 

-Almmuhus-