Ikte geigii Norgga Boazosápmelaččaid Riikkasearvi dokumeanta Eanandoallodepartementii, mas boahtá ovdan maid sii gáibidit stáhta galgá juolludit jahkásaš boazodoallošiehtadussii.
Gáibádus lea dál 143,1 miljovnna, mii lea 28,6 miljovvnna eanet go diimmá šiehtadusboađus.
Ákkastallan bures
Norgga Boazosápmelaččaid Riikkasearvvi (NBR) ovdaolmmoš, Ellinor Marita Jåma, lohká alddis jáhku oažžut buori šiehtadusa dán jagi.
– Mii eat leat gáibidan dušše gáibidan dihte, mii leat dárkilit ákkastan manin berre lasihuvvot doarjja miehtá, nu loahpas galgá šaddat badjel 140 miljovnna ruvnno árvu šiehtadusas, muitala son.
– Diehttelasat healkkehan jus 140 miljovnna oažžut, muhto mus lea buorre jáhkku ahte galgat olu dain gáibádusain oažžut šiehtadallamiin, lohká Jåma.
Leat moadde ođđa čuoggá maid NBR leat váldán gáibádussii mielde:
– Bensindoarjja (5000 ruvnno buohkaide geat leat momsaregisttaris)
– Doarjja reŋgii nu boazodoalli galgá sáhttit váldit luomu.
– Doarjja nu buozalmasvuođa geažil galgá sáhttit váldit reaŋgga.
– Bartahuksen doarjja.
