Juohke logát norgalaš bálkesta bumbolullosákki hivssegii, ja ollu dain sákkiin rivdet mearra-, jávre- ja johkagáttiide.
Juohke logát norgalaš bálkesta bumbolullosákki hivssegii, ja ollu dain sákkiin rivdet mearra-, jávre- ja johkagáttiide.
Skábmamánu 19. beaivvi lea fas máilmmi hivssetbeaivi, ja Hold Norge Rent, Norsk Vann ja NITO čalmmustahttet beaivvi hivssethoddenkampánjjain.
Hivssega bokte nuoskkidit
Go hivssegii bálku ruskkaid, de buđđosit revrret, čáhci golgá badjel, pumpenstašuvnnat bisánit, roahtut lassánit ja luondu nuoskkiduvvo, muhto mearra maid nuoskkiduvvo.
Norggas lea sanitearalaš nuoskkideapmi okta váldosivain go mearra nuoskkiduvvo, ja bumbolullosákkit leat vearrámusat. Juohke jagi gávdnet eaktodáhtolaš čorgejeaddjit vaikko man ollu ruskkaid mat bohtet hivssegiin.
Fertet jurddašit
Ollugat eai jurddaš dobbelii go fitnet hivssegis, ja geavahit hivssetráiggi ruskalihttin. Ollugat eai oro diehtime váikkuhusaid das.
– Mii fertet jurddašit eanet go fitnat hivssegis. Lea dušše gožža, baika ja hivssetbábir mii galgá mannat hivssegii. Buot eará ruskkat hivsset- ja basadanlanjas galget mannat ruskalihttái, muitala Norsk Vann direktevra Toril Hofshagen.
Biebmobázahusat ja buiddiid ii galgga njoarrat hivssegii. Dat ges geasuhit roahtuid.
Áiggut go šaddat hivssetambassadevran, de sáhtát fitnat dán «quizza» vástideame.
