NAV mieđiha ahte sáhttet leat oadjoverošeaddjit Norgga giddagasain dan dihte go leat duođalaččat rehkenastán boastut, ja leat bivdán Riikaadvokáhta iskat ášši.
NAV mieđiha ahte sáhttet leat oadjoverošeaddjit Norgga giddagasain dan dihte go leat duođalaččat rehkenastán boastut, ja leat bivdán Riikaadvokáhta iskat ášši.
Giđđat fuomášedje boasttuvuođa rehkenastimis mii lea dagahan ahte NAV lea gáibidan beare ollu ruđa ruovttoluotta máksot ollu áššiin, čállá Dagens Næringsliv.
Sáhttet čohkkán boasttuvuođa dihte
NAV jáhkká boasttuvuođa geavvan 1300 áššis mat leat badjel 14 jagi, ja mieđihit ahte sáhttet leat verrošeaddjit giddagasas boasttuvuođa dihte.
– Mii leat gávdnan áššiid main olbmot leat dubmehallan boasttu loguid vuođul. Dat mii lea duođaleamos lea go boasttuvuohta lea dagahan ahte muhtimat leat čohkkán giddagasas boasttu vuođu dihte, muitala NAV sekšuvdnahoavda Magne Fladby.
Son deattuha ahte eai leat gávdnan áššiid mat čájehit ahte beaiveruđa dihte lea okta ge boastut dubmejuvvon giddagassii, muhto Riikaadvokáhtta áigu eanet iskat ášši.
Čuovvola ášši
Sáhttet leat olbmot geat galget čohkkát, ja geat livčče sáhttán oažžut unnit ráŋggáštusa jus rievttes supmi lei geavahuvvot ráŋggáštusmihtideamis.
– Riikaadvokáhtta vuordá čálalaš čilgehusa direktoráhtas maid áigu jođánit čuovvolit ja iskat. Lea geažuhuvvon ahte čilgehus boahtá moatti beaivvi geahčen, dieđiha Riikaadvokáhtta.
Boasttuvuohta lei sáhttit fuomášuvvot 2013:s go muhtin áššemeannudeaddji dieđihii boasttuvuođa sáhttit leat vuogádagas. Ii okta ge iskan dieđiheami. (©NTB)
