Gillájeddjiid advokáhta ii loga jáhkit duopmu bissu fámus, muhto jáhkká eiseválddiid guoddalit duomu.
Gillájeddjiid advokáhta ii loga jáhkit duopmu bissu fámus, muhto jáhkká eiseválddiid guoddalit duomu.
Gillájeddjiid advokáhta Gisle Loso ii loga sin duohken mearridit guoddalit go duomu vai ii, muhto lohká su klieanttain lea doaivva ahte nu geavvá.
– Mii dieđusge sávvat ja doaivut ahte duopmu guoddaluvvo, ii leat min duohken muhto Økokrima duohken dan mearridit, lohká Loso. Økokrim ii leat vel ollen mearridit áigot go guoddalit duomu lágamánneriektái, ja áigot go geavahit guoddalan áigemeari mii lea guokte vahku.
Berre geahččaluvvot
Gisle Losa lohká sin behtton dikki duođaštusárvvoštallamis, ja gillájeaddjit leat hirpmástuvvan.
– Gillájeaddjit lea hirpmástuvvan mo diggi lea árvvoštallan duođaštusaid ja oaivvildit ahte ášši berre geahččaluvvot eará riektevuogádagas. Guoddalan gažaldat lea áššáskuhttin eiseválddiid duohken mearridit. Ii ge gillájeddjiin soaitte vejolašvuohta guoddalit erenomážit siviila gáibádusa, lohká Gisle Loso.
