Økokrim ii leat vel ollen mearridit áigot go guoddalit duomu lágamánneriektái.
Økokrim ii leat vel ollen mearridit áigot go guoddalit duomu lágamánneriektái.
Økokrimas lea guokte vahku áigemearri guoddalit Sis-Finnmárkku diggegotti duomu.
Áktor, Økokrim vuosttašstáhtaadvokáhta Hans Tore Høviskeland lohká iežas geahčastan duomu main guokte boazodoalli leaba beassan friddja buot čuoččuhusain mii ovdanbođii Økokrima áššáskuhttimis. Økokrim lea čađat oaivvildan sis leat nana duođaštusat, muhto sis-Finnmárkku diggegottis lea eará oaidnu ja lea áššehuhttán sudno, duopmu almmuhuvvui otne stuorra illun dievddu guoktái.
– Mun lean hirpmástuvvan go leat áššehuhttán sudno buot čuoggáin, muhto mii áigut dál geahččat vuđolaččat duomu ja árvvoštallat áigut go guoddalit duomu, lohká Hans Tore Høviskeland.
Ii kommentere olus eambbo
Hans Tore Høviskeland ii loga ollu eambbo kommenteret duomu, ja deattuha fas ahte áktoráhta áigu geavahit guoddalanáigemeari geahččat ja árvvoštallat.
– In sáhte olus eambbo dál kommenteret, loahpaha son.
