Logát geardde lea FeFo juolludan Ruoná doarjagiid Finnmárkui. Álggu rájes lea badjel 9 milliuvnna ruvnno mannan ovttastusaide ja servviide ja buriid ulbmiliidda Finnmárkkus.
Logát geardde lea FeFo juolludan Ruoná doarjagiid Finnmárkui. Álggu rájes lea badjel 9 milliuvnna ruvnno mannan ovttastusaide ja servviide ja buriid ulbmiliidda Finnmárkkus.
Ohcamat leat boahtán rávdnjin sisa, ja ohcciid searvvis dán jagi lei Kåfjord jeger- og fiskerforening.
– Leat golihan duháhiid mielde diimmut vássán jagiid», deattuheaba searvvi jođiheaddji Arne Pettersen ja searvvi veterána ja ovddeš jođiheaddji Einar Blomkvist barggu birra man áŋgiris KJFF-miellahtut leat dahkan Gávvajogas ja birrasis lahka.
FeFo lea olu gerddiid dorjon searvvi dan logi jagis go Ruoná doarjagat leat gávdnon, ja dán jagi oaččui searvi 5 000 ruvnno bearrašiid doaibmabeivviide.
Stuorra beroštupmi
FeFo juohká juohke jagi doarjagiid Ruoná doarjja-ortnegiin. Ulbmil lea lassánahttit olgunastima ja aktiivvalaš luonddugeavaheami, ja ruhta juolluduvvo eaktodáhtolaš ovttastusaide ja servviide Finnmárkkus. Dat álggii «smávva» supmiin 2007:s, goas juolluduvvui 463 000 ruvnno.
Dán jagi juolluda FeFo 878 000 ruvnno iešguđetlágan ulbmiliidda ruoná doarjja-ortnega bokte, ja logi jagis leat eaktodáhtolaš ovttastusat ja searvvit ožžon lagabuidda 9,1 miljovnna ruvnno.
– Lea illudahtti vásihit ná stuorrá beroštumi doaibmabijuide, ja ahte olu finnmárkulaččat návddašit dan čáppa luonddu mii Finnmárkkus lihkus lea», lohká direktevra Jan Olli.
Nu oallugat go vejolaš
Leat ollu ohcamat, ja álggu rájes gosii logi jagi dás ovdal leat boahtán 1 424 ohcamuša dan bivnnuhis ortnegii. Dain leat 745 ožžon doarjaga.
– Mii leat maŋemus jagiid geahččalan doarjut nu oallugiid go vejolaš. Mii leat danne válljen doarjut buohkaid, muhto eai soaitte ožžon olles supmi maid leat ohcan», dadjá meahccehálddašeaddji Lena Kristiansen, geas lea ovddasvástádus juolludit Ruoná doarjja-juolludeamis.
Ahte doarjja lea illun nu oallugiidda go vejolaš lea leamaš deaŧalaš FeFoi. Biehttalemiide lea sivvan ahte ohccit eai leat deavdán Ruoná doarjja-juolludeami eavttuid. 2016:s lea FeFo ožžon 135 ohcamuša.
Ruoná doarjagat
Okta eaktu mii FeFos lea go juolluda, lea márkanfievrridit Ruoná doarjagiid. Ulbmil lea ahte ortnet galgá šaddat dovddusin nu oallugiidda go vejolaš.
Muhtimat geat leat ožžon ruđa leat earret eará Gártnetluohká čálgosearvi, gos FeFo lea dorjon goavddi 20 000 ruvnnuin. Láhpoluobbala gilisearvi lea maid ožžon 20 000 ruvnno cegget goavddi. Kárášjoga penšunisttaid searvi lea ožžon 5000 ruvnno lágidit olgobeaivvi mas sámi árbevirolaš doaimmat.
Dán jagi juolludemiid gávnnat FeFo neahttasiiddus.
Dás gávnnat don ovddeš jagiid juolludemiid.
