-Almmuhus-
OĐĐASATPolitiijat dutkagoahtán eanet rohcošanáššiid

Politiijat dutkagoahtán eanet rohcošanáššiid

-

-

Politiijat leat dutkagoahtán sihke ođđa ja boares duođalaš rohcošanáššiid Divttasvuonas Nordlánddas.

– Dat leat áššit main mii jáhkkit dáhpáhuvvan duođalaš daguid, muitala Nordlándda politiijaguovllu politiijameašttir Tone Vangen VGii.

11 julevsámi, sihke nissonat ja dievddut, leat muitalan aviisii rohcošemiid birra mat galget dáhpáhuvvan Divttasvuonas go sii ledje mánát ja nuorat maŋemus golbmalogi jagis. Suohkan ásahii heahtejoavkku ovdal go áššit almmuhuvvojedje.

 

Ožžon eanet cavgilemiid

Maŋŋel almmuheami leat politiijat ožžon vel eanet cavgilemiid. Vangen ii sáhte muitalit váidinloguid go eai dieđe áššiid viidodaga. Politiijameašttir mieđiha ahte politiijain ii leat leamašan doarvái luohttámuš ássiid gaskkas, sihke dan dihte go eai leat leamašan oidnosis báikkis ja go eai leat dieđut leamašan sámi kulturipmárdusa birra.

– Mis lea bargu maid galgat dahkat, ja lea dehálaš čájehit ahte mii váldit dáid áššiid duođalažžan. Mii háliidit čoavdit dáid áššiid, ja sávvat ahte olbmot galget sáhttit boahtit min lusa, dadjá politiijameašttir. (©NTB)

-Almmuhus-