-Almmuhus-
OĐĐASATOvcci ođđa ášši Divttasvuonas

Ovcci ođđa ášši Divttasvuonas

-

-

Politiijat dieđihit ovcci ođđa rohcošanášši dutkagoahtán. Guokte ášši leat maŋemus guovtti jagis dáhpáhuvvan.

Nordlándda politiijaguovlu almmuhii preassadieđáhusa gaskavahkku mas muitalit čieža ášši boahtán sisa maŋŋel geassemánu 11. beaivvi, ja buot áššit leat rohcošemiid birra Divttasvuonas.

Čieža ášši, mat leat váidon leat dáhpáhuvvan gaskal 1980 ja 2011, ja guokte ášši leat dáhpáhuvvan maŋemus guokte jagi (2015-2016).

 

Preassadieđáhusas čállet politiijat ahte leat oppalašvuođa oažžume áššiin, muhto leat ollu dieđut maid galget iskat, oažžut systemaide sisa ja dutkat viidáset. Vaikko leat dáhpáhusat mat leat dáhpáhuvvan áigá, de lea dehálaš oažžut buot dieđuid go leat dehálaš dieđut politiijaide.

 

Maŋŋel go áššit bohte albmosii, leat golmmas ožžon áitinreivviid. Politiijat dieđihit ahte sáhttá leat juogalágan oktavuohta dain reivviin ja áššiin.

Politiijat háliidit ain olbmuin cavgilemiid áššiid birra. (©NTB)

 

-Almmuhus-