Golmmas sis geat almmolaččat leat muitalan seksuála illástemiid birra Divttasvuonas, leat ožžon áitinreivviid.
Golmmas sis geat almmolaččat leat muitalan seksuála illástemiid birra Divttasvuonas, leat ožžon áitinreivviid.
Sadjásaš politiijameasttir Heidi Kløkstad Nordlánddas lohká sin atnit dan stuora áššin go olbmot geat almmolaččat leat muitalan seksuála illástemiid birra, dál leat vásihan áitimiid.
– Mii oaivvildit lea hui duođalaš ášši go gillájeaddjit geat leat aviissain muitalan duođalaš veahkaválddálašvuođa birra, dál ožžot áitagiid, dadjá Kløkstad VG aviisii.
Dát golmmas gullet daidda nissoniidda ja dievdduide geat riikkaviidosaš mediain muitaledje rahpasit ahte leat gillán seksuála vearredaguid mánnán ja nuorran Divttasvuonas maŋemus golmmalot jagis.
Eai hálit almmuhit namaideaset
Dát golmmas geat leat ožžon reivviid, eai hálit muitalit geat sii leat
– Mun vásihin dán psyhkalaš veahkaválddálašvuohtan. Son dahje sii geat leat čállán reivviid, fertejit jurddašit makkár dovdduid dat buktá, nugo suhtu ja maiddái balu, dadjá okta sis geat leat ožžon áitinreivviid.
Dán čállá NTB.
