-Almmuhus-
-Almmuhus-
-Almmuhus-
OĐĐASATEaba dovddas sivalažžan

Eaba dovddas sivalažžan

-

-

Goappešat áššáskuhtton dievddut vástideigga «ii» sunddi gažaldahkii dovddasteaba go iežaska sivalažžan áššáskuhttima mielde.

Diibmu 11.30 otne álggii diggi Sis-Finnmárkku diggevistis, gos guokte boazosápmelačča leaba áššáskuhtton go galgaba leat rievdadan mearkkaid, verrošan boraspirebuhtadusaiguin ja biinnidan bohccuid muhtinlágán reaidduin.

 

Guktot biehttaleaba
Økokrima politiijaadvokáhta Inge Svae-Grotli logai áššáskuhttima diggái ja guktot biehttaleaba sivalaččat čuoggáide mii ovdanboahtá áššáskuhttimis.

Sundi Finn Arne Selfors dat jearrá dovddasteaba go sivalažžan mii ovdanboahtá áššáskuhttimis dahje oassái mii dikkis lohkkui, guktot vástideigga «Ii» gažaldahkii dikkis.

Gisle Loso lea gillájeddjiid veahkkeadvokáhta, muhto son ii boađe diggái ovdal duorastaga.

 

Dihtoršearpmat
Oassi áššebáhpiriin ovdanbuktojuvvo dihtoris ja dikkis leat 12 dihtoršearpma mas beassá čuovvot mielde mii ovdanbukto dikkis. Áššáskuhtton dievddu guovttos bođiiga diggevistái ovdalaš diibmu 11.30 otne.

 

-Almmuhus-