-Almmuhus-
-Almmuhus-
-Almmuhus-
OĐĐASATČilgii vuđolaččat vuosttaš politiijaakšuvnna birra

Čilgii vuđolaččat vuosttaš politiijaakšuvnna birra

-

-

Nuorat áššáskuhtton dievdu lea vuđolaččat muitalan mii galgá leat dáhpáhuvvan miessemánus go vuosttaš politiijaakšuvdna čađahuvvui.

Nuorat áššáskuhtton dievdu (29) álggii iežas čilgehusain Sis-Finnmárkku diggegoddái duorastaga ja jotkkii bearjadaga, son geavahii beaivelahke muitalit iežas boazodoalu birra, goas ja mo oaččui siidaoasi.

Seammás namuhii ahte son vuhtii buohkat siiddas eai lean nu movttet go son lei ožžon siidaoasi.

Dasto muitalii ahte mo soai nuppi áššáskuhtton dievdduin šattaiga sierra dálvesiidii ja leaba dan rájes siiddastallan guovttá.

 

Vuosttaš politiijaakšuvdna

Son de álggii muitalit jagi 2013 giđđajohtima birra, mii galgá leat geavvan go jovde geasseorohaga rájá sisa. Dievdu muitala ahte lei vuohttán siiddaguimmiid boađi boađi maŋis.

Son joatká muitalit mii galgá leat dáhpáhuvvan vuosttaš politiijaakšuvnnas, gos mearkalávdegoddi ja fuođđolávdegoddi lei fárus.

Fuođđolávdegoddi bážii ovtta bohcco mas váruhuvvui leat rievdaduvvon mearka. Boazu lea mielde áššáskuhttimis.

Son čilge vuđolaččat diggái mii galgá leat daddjon, makkár áitagat ja makkár dovdu sus lei mo akšuvnna čađahedje.

– Jerren politiijabálvvás maid dáppe leat, ožžon dieđu sii váruhit rievdaduvvon bohccuid, moai ledne dat navdojuvvon dan bargan. Mun imaštallen ahte moai ledne navdojuvvon dan oktavuođas, in muitte jerren go dan, lohká dievdu dikkis.

 

Váidán politiija

Áktor ovdasánis bođii ovdan ahte dievddu guovttos leaba váidán vuosttaš politiijaakšuvnna mo politiija láhttii, politiija erenomáš ossodahkii, muhto váidda hilgojuvvui.

 

Čilgen bures

Nuorat áššáskuhtton dievddu bealušteaddji Kjetil Hugo Nilsen mielas lea dievdu dássážii čilgen bures ja muitala dievdu lea geavahan ollu návccaid viežžat dieđuid ja dokumeanttaid.

– Son čilge čielgasit ja čájeha maid ahte lea ášši maid váldá duođalaččat. Mis ii leat duođaštusgáibádus, muhto go mu klieanta lea geargan čilgemis, de duopmárat maid jurddašit juoidá mii boahtá ovdan áššáskuhttimis, lohká Nilsen.

 

-Almmuhus-