Eanandoallo- ja biebmodepartemeanta lea mearridan ahte sii guoddalit boazologu duomu mii celkui Sis Finnmárkku diggegottis ovdalaš beassážiid.
Eanandoallo- ja biebmodepartemeanta lea mearridan ahte sii guoddalit boazologu duomu mii celkui Sis Finnmárkku diggegottis ovdalaš beassážiid.
Ekspedišuvdnahoavda Anne Marie Glosli dadjá ahte sii leat guorahallan duomu ja doalahit mearrádusaset ahte boazogeahpedanášši lea lobálaš, ja dat ii rihko našunála iige internašunála geatnegasvuođaid, čállá NRK Sápmi.
75:in heakkain galgá birget
24-jahkásaš Jovsset Ante Sara stevdnii stáda go ii dohkkehan ahte eiseválddit bidje su boazologu dušše 75 heggii, ja vuittii stáda vuostá Sis-Finnmárkku diggegottis.
Dál dattege orro šaddamin fas deaivvadit stádain lágamánnerievttis ges.
