Dán dálvvi leat eallireabbát fievrreduvvon Leavnnjas Mátta-Koreai, ja johtolatministtar sihkkarastá ahte dáinna doaimmain besset joatkit.
Dán dálvvi leat eallireabbát fievrreduvvon Leavnnjas Mátta-Koreai, ja johtolatministtar sihkkarastá ahte dáinna doaimmain besset joatkit.
– Lea dehálaš varaváldit norgga áibmojohtolatpolitihkalaš ja ealáhuspolitihkalaš beroštumiin. Mun háliidan danne láhččit dili nu ahte sáhttet guorbmechartergirdiiguin fievrredit ealli reabbáid Davvi-Norggas Mátta-Koreai, maiddái eará riikkaid bokte nu mo Ruošša bokte. Mun lean dál dáhtton Áibmojohtolatbearráigeahču gávdnat gaskaboddosaš čovdosiid gonagasreabbáid ekspotevrraid dárbbuid mielde, dadjá johtolatministtar Ketil Solvik-Olsen.
Individuála šiehtadusaid geažil mat leat riikkaid gaskkas, de leat eanaš dušše norgga ja máttakorealaš girdifitnodagat mat sáhttet girdit Norgga ja Mátta-Korea gaskkal. Ruošša fievrredanfitnodagat mat háliidit girdit dien gaskka, fertejit ohcat Áibmojohtolatbearráigeahčus lobi eaŋkilgirdimiidda.
Addet muhto eai oaččo ruovttoluotta
Riikkaidgaskasaš áibmojohtolatrelašuvnnain lea vuostevurolašvuohta vuođđoprinsihppan. Vuoigatvuođat mat addojit, addojit obbalaččat dainna jáhkuin ahte seammalágan vuoigatvuođaid oažžu ruovttoluotta nuppi bealis. Norga ii leat dán dáfus olahan doarvái buriid čovdosiid norgga fitnodagaide go leat ságastallan Ruoššain.
Vaikke diekkár lea duogáš, de lea Áibmojohtolatbearráigeahčču ođđajagimánu ja guovvamánu, dohkkehan guhtta ohcamuša girdin fievrredit ealli reabbáid Leavnnjas Seoulii, addin dihte ruošša eiseválddiide buoret dili meannudit Norgga jearaldaga vuostevurolašvuođa birra. Dát ii leat vel vástiduvvon, ja dat lea dagahan ášši hástaleaddjin.
Johtolatdepartemeanttas galget ođđa áibmojohtolatšiehtadallamat Ruoššain geasset.
– Mun áiggun evttohit ahte fievrredangirdimat šaddet fáddán dáid šiehtadallamiin, vai mii oažžut bistevaš čovdosa, dadjá johtolatministtar.
