Mannan vahkkoloahpa Suoma- ja Norgga bealde muhtun sámeservviin ledje jahkečoahkkimat. City-Sámit-searvvi jođiheaddjin šattai Hanna Helander, Vuohču Sámiid searvvi jođiheaddjin joatká Anu Magga ja Guovdageainnu Sámiid searvvi jođiheaddjin joatká Ville Söderbaum.
Mannan vahkkoloahpa Suoma- ja Norgga bealde muhtun sámeservviin ledje jahkečoahkkimat. City-Sámit-searvvi jođiheaddjin šattai Hanna Helander, Vuohču Sámiid searvvi jođiheaddjin joatká Anu Magga ja Guovdageainnu Sámiid searvvi jođiheaddjin joatká Ville Söderbaum.
Vuohču Sámiid searvi válljii ođđa stivrra ikte sotnabeaivve jahkečoahkkimisttis.
Searvvi jođiheaddji ammahis joatká Anu Magga, gii lea jođihan searvvi jo ovddit guokte jagi. Várreságadoallin válljejuvvui Unna-Maari Pulska ja čállin Eeva-Mari Äärelä, čállá Yle Sápmi odne.
Stivralahttun válljejuvvojedje:
Antti Äärelä, Mika Keskitalo, Juha-Petteri Alakorva, Elli-Marja Hetta ja Jarmo Magga.
Várrelahtut leat Anni-Saara Aikio, Pekka Aikio, Tiina Aikio ja Anu Virtanen.
Vuohču Sámiid searvi lea vuođđuduvvon 1971 jagis. Searvvi ulbmilin lea doarjut ja ovddidit sámegiela ja -kultuvrra Soađegili Vuohču guovllus.
Ville Söderbaum joatká jođiheaddjin
Guovdageainnu Sámiid searvi doalai jahkečoahkkima ges mannan lávvordaga. Ville Söderbaum válljejuvvui fas searvvi jođiheaddjin guovtti jahkái.
Dás vuolábeale oainnát geat vel leat mielde searvvi stivrras.
Stivralahtut:
Ol Johan Gaup (ovtta jahkái, gitta giđđii 2017)
Julie Eira (ovtta jahkái, gitta giđđii 2017)
Karen Marit N. Siri (guovtti jahkái, gitta giđđii 2018)
Mikkel Ailo Logje (válljejuvvui diimmáš čoahkkimis guovtti jahkái ja ii lean danne válggas dán jagi)
Várrelahtut stivrii:
Turid Vesterheim (válljejuvvon diibmá ja čohkká boahtte jahkái)
Ellen Cecilie Triumf (ovtta jahkái, gitta giđđii 2017)
Áila Márge Varsi Balto (guovtti jahkái, gitta giđđii 2018)
Guovdageainnu Sámiid searvi lei vuođđuduvvon juovlamánu vuosttaš beaivvi jagis 1963.
Pentti Pieski loahpahii jođihan ammaha
Mannan vahkkoloahpa ledje válggat City-Sámit-searvvis. Searvvi guhká jođihii Pentti Pieski muhto almmuhii guovvamánus, ahte ii áiggo šat joatkit searvedoaimmain, čállá Yle Sápmi. Pieski válljejuvvui sámediggeáirrasin mannan čavčča válggain ja son áigu siktegoahtit dál fámuidis politihkalaš bargui.
City-Sámit-searvvi ođđa jođiheaddjin válljejuvvui helssetlaš nieida Hanna Helander.
Eará stivrralahtut leat: Jennika Alatorvinen, Mari Korpimäki, Petra Laiti, Inka Musta ja Heikki Mustonen.
Várrelahtut leat: Outi Kangasniemi ja Elisa Sipakko.
City-Sámit-searvi lea Mátta-Suoma sámiid searvi, man ulbmilin lea ovddidit gávpotsápmelaččaid oktiigullevašvuođa.
