-Almmuhus-
OĐĐASATDárkkistit leavttu miehtá Norgga odne

Dárkkistit leavttu miehtá Norgga odne

-

-

Odne čađahuvvo Speed Marathon leaktodárkkistandoaibma miehtá Eurohpá. Norggas leat 65 leaktodárkkisteami.

Johtolatpolitiijat čađahit erenoamáš doaimmaid leaktomearrerihkkumiid vuostá dán jándora, cuoŋománu 21. beaivvi diibmu 06.00 rájes gitta bearjadatiđidii diibmu 06.00 rádjai.

Dárkkistanjándor (Speed Marathon), čađahuvvo maid unnimusat 20 eará eurohpálaš riikkas TISPOL, eurohpalaš johtolatpolitiijaidovttasbarggu bokte.

 

Eastadit lihkohisvuođaid

Dárkkistemiid mihttu lea eastadit ja fuomášit leaktomearrerihkkumiid, geahpedan dihte jápmin- ja roasmmehuvvonloguid norgga geainnuid alde, lohká Johtolatpolitiijaid (UP) hoavda Runar Karlsen preassadieđáhusas.

– Dán jándoris mii čađahat 65 leaktodárkkisteami iešguđet sajiin buot UP-guovlluin, ja birrasiid 180 veaga gullet dása, dát lea lassin dábálaš dárkkistandoibmii, loahpaha Karlsen.

Bajimus ulbmil lea eastadit lihkohisvuođaid, muhto seammás politiijat háliidit čalmmustit ahte váldosivvan jápminlihkohisvuođaide lea go olbmot vudjet alladat leavttus go maid leaktomearri čájeha dahje go ovdamearkka dihte eai doahttal siivvu.

Politiijaid leaktodárkkisteamit leat danne dehálaččat lihkohisvuođaid eastadeamis.

-Almmuhus-