-Almmuhus-
-Almmuhus-
-Almmuhus-
OĐĐASAT270 000 euro digitála sátnegirjjiide

270 000 euro digitála sátnegirjjiide

-

-

Suoma Sámedikkis vuoruhit lagabui 300 duháha euro sátnegirjjiid ráhkadeapmái. Eanáš oassi ruđain jurddašuvvo digitála sátnegirjjiide.

– Digisátnegirjjiid ovddideapmi lea oalle dehálaš, sihke gielaid ovddosguvlui sirdima dáfus ja beaivválaš giellageavaheami dáfus. Dát attášii dakkár álkes bargoneavvuid, mat livčče rabas buohkaide, buot geavaheddjiide sámegielaid gaskkas ja maiddái sámegielaid ja váldogiela gaskkas, muitala Suoma Sámedikki giellaráđi jođiheaddji Neeta Jääskö Yle Sápmái odne.

 

Suoma Sámediggi áigu dán válgabajis 2016-2019 vuoruhit sámegielaid neahttasátnegirjjiid ráhkadeami. Boahtte jahkái vuoruhit oktiibuot 282 000 euro sámegielat sátnegirjjiid buvttadeapmái, mas digitála sátnegirjjiide lea várrejuvvon 270 000 euro.

 

– Mii háliidit fállat giellabargiide ja eará giellageavaheddjiide lasi resurssaid, mii lea dehálaš maiddái giellaealáskahttinprográmma dáfus, muitala Suoma Sámedikki giellaráđi jođiheaddji Neeta Jääskö.

Loga maiddái: – Mearridedje doaimmaset

-Almmuhus-