Sámi identitehta ja risttalašvuohta lea guovddážis go olles Norgga sámi konfirmánttat čoagganit njukčamánu 3.-6.beaivái.
Sámi identitehta ja risttalašvuohta lea guovddážis go olles Norgga sámi konfirmánttat čoagganit njukčamánu 3.-6.beaivái.
22 konfirmánta čoagganit Vatnlia leairabáikái Bådådjos. Ovtta olles beaivvi galget sii leat Ájluovttas Divttasvuona suohkanis, bihtánsámi ja julevsámi guovlluin. Oasseváldit bohtet searvegottiin golmma davimus fylkkain.
Njealji gillii
Konfirmántat galget leat mielde oskuoahpus mas leat ipmilbálvalusdoaimmat sihke olgun ja siste. Buot golmma sámegiela (lullisámegiella, julevsámegiella ja davvisámegiella) galget geavahuvvot leairras, lassin dárogiella.
Oahppoheivehallan, doaibmabijut ja astoáigedoaimmat deattuhuvvojit, mat addet dovddu ahte buohkat leat mielde sámi oskkolašsearvvis.
Sámi konfirmántaleaira plánejuvvo ja čađahuvvo Sámi Girkoráđi bokte ovttas searvegottiiguin gos orrot sámit ja golmma davimus bispaguovlluin. Nuorra sámi jođiheaddjit leat guovddáš mielbargit konfirmántaleairras.
