Ráđđehusadvokáhtta Ida Thue muitalii dikkis ahte 12 siidaoassái Oarje-Finnmárkkus lea mearriduvvon vuollel čuođi bohcco.
Ráđđehusadvokáhtta Ida Thue muitalii dikkis ahte 12 siidaoassái Oarje-Finnmárkkus lea mearriduvvon vuollel čuođi bohcco.
Sis-Finnmárkku diggegotti sundi Finn-Arne Schanche Selfors, gii lea boazologu áššis váldoduopmárin, dat lei dáhtton ráđđehusadvokáhta háhkat dieđuid gallii siidaoassái báhcet vuollel čuođi bohcco maŋŋel njuovvangáibádusaid.
Thue vástádus dasa lea ahte 12 siidaoasis Oarje-Finnmárkkus báhcet vuollel čuođi heakka maŋŋá go leat čađahan unnideami nu go stáhta lea gáibidan.
Lasihan iige geahpedan
Nubbi gažaldat leamašan galle siidaoasi ledje ožžon unnidangáibádusa, ja vástádus dasa lea ahte 231 siidaoasi leat ožžon gáibádusa unnidit.
– Eanaš sis leat čuovvolan gáibádusa, muhto Jovsset Ánte Sara lea bajidan boazologu, vaikko livččii galgan unnidit. Ii oktage leat válljen heaitit min dieđuid mielde, iige leat ráhkaduvvon heaittihanplána nu go mun lean ádden, vástidii Ida Thue gažaldahkii.
Dál lea ráđđehusadvokáhta áššedovdi čilgemin iežas guorahallama diggái, mas lea hui ollu sáhka njuovvandeattuid ja vahágiid birra.
