Finnmárkku buohcciviesu stivra lea mearridan dearvvašvuođapárka huksenplána bidját johtui.
Finnmárkku buohcciviesu stivra lea mearridan dearvvašvuođapárka huksenplána bidját johtui.
Duorastaga stivračoahkkimis mearridii Finnmárkku buohcciviesu stivra álggahit plánema Sámi dearvvašvuođapárkkain Kárášjogas. Stivra mearridii seammás viiddidit somáhtalaš fálaldaga otná fálaldaga ektui.
Dearvvašvuođapárka sierra prošeaktan
Jagi 2013 mearridii stivra ahte spesialistadoavtterguovddáš Kárášjogas galgá leat seammá báikkis go SÁNAG – Sámi našuvnnalaš gealboguovddáš. 2014:is šattai sámi dearvvašvuođapárka sierra prošeaktan, ja Finnmárkku buohcciviesu strategalaš ovdánanplána mearriduvvui miessemánu 2015:is.
Ovdal geasi 2016:ii galgá plána ovdanbuktot stivrii, ja mearrádus galgá dahkkot ruhtadeami ektui viidáset. Rámma huksemii lea biddjon 40 miljovnna ruvdnui.
