-Almmuhus-
-Almmuhus-
-Almmuhus-
OĐĐASATOaidnemeahttun vázzit baldet

Oaidnemeahttun vázzit baldet

-

-

55 proseantta biilavuddjiin leat vásihan goasii vuodjit vázzeolbmo ala seavdnjadiin. Odne ávžžuha Trygg Trafikk buohkaid ohcat šleđggoniid sadjosii, go dál lea našunála šleđgonbeaivi.

Leat go goassege healkkehan go vázzeolmmoš fáhkka lea iđistan biilla ovdii seavdnjadassan? De it leat okto, badjel bealli buot biilavuddjiin dovdet dien dovddu. Dan čájeha varas iskkus man TNS Gallup lea čađahan Trygg Trafikk ja Sparebank1 Forsikring ovddas.

– Jus leaččat áigumin geaidnoguoras vázzit dahje rasttildit geainnu seavdnjadassan, de fertet leat sihkar ahte oidnot. Dan sihkkarasttát šleđggoniin. Šleđggonat geahpedit vuojahallanvára 85 proseanttain, dadjá Trygg Trafikk gulahallanhoavda Ann-Kathrin Årøen.

 

Oaidnemeahttumat seavdnjadasas

Iskkus čájeha ahte veaháš eanet nissonat go almmáiolbmot, leat leamaš dákkár dáhpáhusain mat ledje sáhttit šaddat bártin. Dáid leat vásihan vuojedettiin dahje go leat čuvvon muhtin biilla. Leat maid eanaš vuorrasat olbmot geat leat vásihan dáid.

66 proseantta olbmuin gaskkal 45 ja 59 jagi vástidit iežaset goasii bártidan, vuollel 30-jahkásaš olbmuid gaskkas, leat ges 46 proseantta vásihan dan seamma.

– Oaidnu hedjona go olbmot deavdigohtet 40 jagi, ja olbmot oaidnigohtet heajubut seavdnjadassan. Sáhttá leat váttis oaidnit olbmuid geain ii leat šleđggon, vel gávpogiin ge gos leat gáhttačuovggat. Čakčaseavdnjadasas lea dávjá olu mii gáibida biilavuoddji fuomášumi. Njuoska geainnut, arvi, skoaddu, galbbat, gávpečuovggat ja eará fievrruid čuovggat. Buot dát sáhttet dagahit vázzeolbmuid goasii jo oaidnemeahttumin, čilge Årøen.

 

Šleđggonbeaivi

Odne lágiduvvo našunála Šleđggonbeaivi 10. geardde. Trygg Trafikk čalmmustahttá beaivvi iešguđet doaluiguin miehtá riikka.

– Geavat 10 minuvtta odne ohcat šleđggoniid skuffain, skáhpain ja diimmá olgobiktasiin. Gidde daid bearraša jáhkaide, veaskkuide ja lávkkaide avžžuha Årøen.

 

-Almmuhus-