– Dehálaš áššit báhcet suoivanii

Digaštallama vuolggasadjin lea go Suoma alimus hálddahusriekti mannan gaskavahku dohkkehii  93 ođđa olbmo sápmelažžan, Sámedikki dáhtu vuostá.

Ieš journalista, gii lea bargan ovdal NRK Sámis ja Yle Sámis, oaivvilda ahte leat ollu dehálaš áššit mat sáhttet geavvat dan botta go digaštallet sápmelašmeroštallama:

– Várra lea, ahte dál go olbmuid fuomášupmi lea das gii galgá lohkko sápmelažžan, de ollu dehálat áššit báhcet suoivanii. Ovdamearkka dihtii lea Eanandoalloministeriija bargamin Meahcceráđđehuslága ođastemiin, man áigot doalvut jo boahtte mánus Riikabeivviide. Meahcceráđđehus hálddaša 90 proseantta Suoma sámeguovllu eatnamiin. Rievdadusat gusket njuolga buot sámeguovllu ássiide, leažžá dál sápmelaš dahje suopmelaš, čilge Maria Saijets.

Seastinpolitihkka Suomas

Journalistta dieđuid mielde Suoma stáhtas leat maiddái oalle garra seastinplánat čuovvovaš njealji jahkái.

– Árvidan, ahte Sámedikkis livččii eambbo go doarvái bargu dušše dorvvastit dálá ge giella- ja kulturdoaimmaid ruhtadeami dan sadjái go rassat sámemeroštallamiin, buktá oainnus journalista.

LOGA MAIDDÁI: – Badjel bealli lonuhuvvo

LOGA MAIDDÁI:  – Sámediggi váidá mearrádusa ON:i

LOGA MAIDDÁI: – Unnán diehtu áššis

LOGA MAIDDÁI: – Dego Dávvet Goliáhta vuostá

LOGA MAIDDÁI: – Bovdejit miellačájeheapmái

Suopmelaš ii beroš ollu

Sápmelašmeroštallandigaštallan Maria Saijets oainnus ii leat nu beroštahtti suopmelaččaide.

– Manne dážat eai beros sámeaššiin? Jáhkán seamma sivat dáppe ge. Iihan sámemeroštallan guoskka dábálaš suopmelačča árgabeaivái moge, čilge oanehaččat journalista.

Vaikko seammás lasiha vel ahte ollu sosiála neahttaságastallanbáikkiin, nu go forumiin, olbmot čálašit ja das bohtet ovdan iešguđet ge oaivilat sápmelašmeroštallanáššis ja dávjá dát leat guovtteláganat.

Loahpas lohká sápmelašmeroštallanášši birra ná:

– Muđui suhtan ja duššástuvan munge go smiehtan dan, loahpahii Maria Saijets.