Finnmárkkus lea buot eanemus veahkaválddálašvuohta olles Norggas. Logi suohkanis Finnmárkkus leat eanet váidojuvvon áššit go Oslos, olmmošlogu ektui.
Finnmárkkus lea buot eanemus veahkaválddálašvuohta olles Norggas. Logi suohkanis Finnmárkkus leat eanet váidojuvvon áššit go Oslos, olmmošlogu ektui.
Oslo ja Finnmárku leat máŋggaid jagiid leamašan statistihkain bajimusas go lea sáhka váidojuvvon veahkaválddálašvuođa birra olmmošlogu ektui.
2014 jagis lea Finnmárku bajimusas veahkaválddálašvuođa statistihkas. Nu čállá Dagbladet neahttasiiddus.
Ákŋoluovttas eanemus veahkaválddálašvuohta
Oslo suohkanis ledje 7,9 váidojuvvon dáhpáhusa juohke 1000 ássi ektui. Go buohtastahttá Finnmárkku suohkaniid statistihkas, de leat logi suohkaniin stuorát veahkaválddálašvuođalogut go Oslos.
Gáŋgaviikkas 8,2 váidaga juohke 1000 ássis. Deanus (8,7), Kárášjogas (8,9), Várggáin (9,0), Mátta-Várjjagis (9,5), Čáhcesullos (9,8), Hammerfeastas (9,8), Porsáŋggus (10,9), Guovdageainnus (11,6), ja bajimusas statistihkas lea Ákŋoluokta 15,4 váidaga juohke 1000 ássis. Muđui Norggas lea gaskamearalaččat 5,2 váidaga juohke 1000 ássis.
Dán neahttasiiddus beasat geahččat loguid iežat suohkanis ja buohtastahttit eará suohkaniin.
