Guovllus leat maiddái gidden geainnu čáskkadanbargguid geažil.
Guovllus leat maiddái gidden geainnu čáskkadanbargguid geažil.
Maŋŋebárgga ovdalaš diibmu 15:00 dieđihedje politiijat ahte muhtin barta lea buollán Ganešnjárggas, Čáhcesullo gielddas.
– Buollinčaskadeaddjit leat ain jáddadeamen dolaid. Čáskkadanbargguid geažil leat šaddan njulget čáhcešláŋŋa geainnu rastá, ja danin lea geaidnu maiddái gitta Čáhcesullo ja Ganešnjárgga gaskkas, lohká Nuorta-Finnmárkku politiijaguovllu operašuvdnajođiheaddji Svein Erik Jacobsen Ávvirii váile diibmu 17:00.
Olbmot eai lean barttas
Politiijat eai dieđe manin barta lea buollán.
– Mii leat dieđihan buollima birra eaiggádii gii lea luomus, dadjá Jacobsen.
Barta mii buollá lea 80 kvadráhtamehter stuoris ja bartas lea el-rávdnji.