Mánáid ja nuoraid alárbmatelefuvdna lea almmuhan filmmaža sámegillii gos čilgejuvvo sin birra. GEAHČA DÁS:
Mánáid ja nuoraid alárbmatelefuvdna lea almmuhan filmmaža sámegillii gos čilgejuvvo sin birra. GEAHČA DÁS:
Mánáid ja Nuoraid Alárbmatelefuvdna lea bálvalus juste fal mánáide ja nuoraide, sin telefonnummar lea 116 111, ja dohko sáhttet vuolleahkásaččat riŋget jus vásihit veahkaválddi, illástemiid, ballet bággehallat náitalit dahje jus vásihit eará heahte- ja lossa diliid.
Dán nummarii lea nuvttá riŋget, ja telefuvnna vástidit ollesolbmot geain leat gelbbolašvuohta veahkehit mánáid ja nuoraid.
Maiddái rávisolbmot geat ballet mánáid dahje nuoraid vásihit veahkaválddi dahje illástemiid, sáhttet riŋget 116 111 alárbmatelefuvdnii.
Dát telefonbálvalus galgá leat lassin dakkár vehkiide mat jo gávdnojit mánáide ja nuoraide geat leat heahtedilis.
Norggas leat 15 mánáidsuodjalusvávtta ja sii dat vástidit go riŋget dán telefonnummarii.
Alárbmatelefuvdna lea rabas go mánáidsuodjalusbálvalus lea gitta, gaskkal dii. 15.00 ja 08.00.
Vahkkoloahpaid ja bassebeivviid lea Alárbmatelefuvdna rabas birra jándora.
