-Almmuhus-
-Almmuhus-
-Almmuhus-
OĐĐASATGáržžidit Norgga bealde bivddu

Gáržžidit Norgga bealde bivddu

-

-

Deanučázádaga Guolástanhálddahus (DG) evttoha gáržžidit bivddu Norgga bealde Deanočázádagas.

DG lea dál sádden gulaskuddamii evttohusaid main lea sáhka gáržžidit luossabivddu Deanočázádagas daid osiin mat lea Norgga bealde. Dat guoská vuolemus osiide Deanus ja muđui Deanočázádaga gierragiidda, nu go Iešjohkii, Kárášjohkii Anárjohkii.

Báikkálaš bivdiid rádjen

Deanočázádaga hálddašeaddjit evttohit ge oanidit bivdoáiggiid. Dál álgá bivdu dáid jogain miessemánu 20. beaivvi ja nohká borgemánu 15. beaivvi. DG evttoha dál ahte fierbmebivdu ja oaggun álgá easka miessemánu 27.beaivvi, namalassii čieža beaivvi maŋŋel go dábálaččat.

DG oainnu mielde lea erenoamáš dehálaš ráddjet bivddu oalgejogain ja gođđojogain.

Turista bivdu

Deanučázádaga Guolástanhálddahus maiddái evttoha ráddjet turisttaid oagguma dáid guovlluin login beivviin. Turistabivddu evttohit bistit geassemánu vuosttaš beaivvi rájes borgemánu logát beaivvi rádjái.

Seammás maiddái oidnet dárbbu loktet hattiid sihke jándorkoarttain ja geassebajiidkoarttain DG hálddašanguovllus.

Dáiguin gáržžidemiiguin árvvoštallet bivdodeattu geahpedit viđain proseanttain.

 

 

 

 

 

 

 

-Almmuhus-