-Almmuhus-
-Almmuhus-
-Almmuhus-
GUOIMMUHEAPMI– In ipmir manne ii boahtán

– In ipmir manne ii boahtán

-

-

Loddebeasi njuolggosátta, man lei vejolaš geahččat Ávvira bokte, bissehuvvui ikte eahkes go čoađgi ii lean dihtton vahkkui.

– Go ii boahtán čoađgi, čilge guovdageaidnulaš Tim Valio.

Son lei bidjan čoađgebeassái kamera mas lei vejolaš čuovvut mielde go čoađgi lea beasis, maid dat bargá doppe, ja oaidnit go čoađgi bidjá moniid ja lállá. Muhto ikte eahkedis Valio jáddadii njuolggosáddaga.

 

Ii leat čilgehus

Tim Valio, gii lea loddejeaddji ja mas lea earenoamáš beroštupmi čáhcelottiide, ii loga diehtit mii lea sivvan dasa go čoađgi guđii beasi.

– In ipmir manne ii boahtán.

Iežas lohká vahku áigge oaidnán go maŋimuš lei čoađgi beasis. Loddebeassái báhce guhtta moni.

– Šattan bálkestit. Ii das maid eará bargat.

 

– Ii galgga ballat kameras

Valio ii jáhke ahte kamera lea balddihan lotti boahtimis beassái.

Mus leat logi beasi vel. Dušše guovtti beassái bohte lottit ruovttoluotta. Eará besiin juste seamma go das mas lei kamera, čoađggit eai boahtán. In jáhke dat balai kameras.

Tim Valio lea ovddit jagiid čađahan sullasaš filbmenprošeavttaid ja dalle lohká beasi filbmen gitta dassážii go šadde čivggat.

 

550 diimmu

Njuolggosátta, man doaimmahii Tim Valio, lei oaidnimis Ávvira ruovttosiiddus geassemánu 5. beaivvi rájes.

– Oktiibuot leat dan geahččan 1600 olbmo, muhto ii heađis oktanaga gal.

Njuolggosáddaga áigeguhkkodat lei 550 diimmu oktiibuot.

 

 

 

 

-Almmuhus-