-Almmuhus-
MAGASIIDNAVuogas appat go tuvrii vuolggát

Vuogas appat go tuvrii vuolggát

-

-

Somás ja anolaš áppat mat sáhttet adnot go tuvrii vuolggát. 

Her er 10 gratis apper du bør ha på mobilen om du skal legge ut på tur i Norge.

Leat go tuvrii vuolgime, de sáhttet dát appat adnot. Norsk friluftsliv lea čohkken 17 appa mat sáhttet leat buorit go vuolggát tuvrii. 

Norks friluftsliv generálačálli Lasse Heimdal muitala ahte sii sávvet ahte appat sáhttet veahkkin olbmuide vuolgit olggos, muhto ferte muitit jus telefuvnnas nohká bahtter, de eai leat appat veahkkin. 

 

Gávdnat geainnnu

UT.no Lea Den Norske Turistforeninga tuvraplánejeaddji. Dat lea sihke neahttasiiddus ja appas.

Doppe gávdná ollu tuvraevttohusaid ja barttaid.

Sáhtát maid ráddjet ohccama ovdeamearkka dihte vázzintuvrraide. Tuvrrat leat maid merkejuvvon man lossadat dat leat. 

GodTur Lea okta tuvrauskádat mii fállá kárttaid ja tuvraevttohusaid.

Dat gávdno maid appan ja neahtasiidun.

Dáppe gávnnat maid dasa lassin dieđuid gos olgodoaibmarusttegiid gávdná, nugo gálašanbáikkiid, rabas barttaid ja vuoiŋŋastansajiid.

Dan leat ráhkadan Friluftsrådenes landsforbund ja Statskog. 

 

Iskka dálkki ja čázi

Pent.no lea appa jus leat eahpesihkar makkár dálki boahtá. Appa buohtastahttá Yr.no ja Storm dálkedieđuid

Dukkert čájeha fas makkár tempratuvra lea čázis ovdal go njuiket dohko.

Sáhtát maid gávdnat ođđa gálašanbáikkiid. 

 

Guopparčoaggin ja guollebivdu

Digital soppkontroll lea einostan ollu guobbariid dán jagi.

Appii sáhtát bidjat guobbariid gova maid gávnnat ja guopparáššedovdit gehččet leat go váralaš vai borahahtti guobbarat. 

NJFF:s  fas gávnnat bivnnuhis guollešlájaid sihke mearas ja jávrris.

Dat addá maid cavgileami masa iešguđetge guolit dohppejit. 

 

Bearrašii suohttasat

Stolpejakten lea fálaldat mas gávdná stoalppuid mat leat biddjon iešguđetge báikkiide lagasbirasis. 

Viltappen lea appa maid Svenska Jägerförbundet lea ráhkadan ja lea juoga mii lea hui somá sidjide geat beroštit luonddus.

Viltappenis gávdná dieđuid elliid birra maid meahcis sáhttá oaidnit dehe vuohttit.

Lea hui fiinna appa jus áigu vuolgit mánáiguin ohcat elliid luottaid. 

WhatBird heive fas  jus leat loddeberošdeaddji dahje jus háliidat diehtit guđe lotti gulat.

Appa bádde jiena ja evttoha guđe loddi sáhttá leat. 

 

Bártidan? 

Hjelp 113 lea juoga mii adno jus roasmmehuvat meahcis.

Dán appa lea Norsk Luftanbulanse ráhkadan.

Dáinna appain sáhttá riŋget njuolga heahteguovddážii ja sii oidnet de koordináhtaid mielde gos son gii riŋge lea. 

 

 

-Almmuhus-