-Almmuhus-
-Almmuhus-
-Almmuhus-
KULTUVRAMáinnaslágan musihkkavideo KEiiNOs

Máinnaslágan musihkkavideo KEiiNOs

-

-

KEiiNO ođđa musihkkavideos oainnát golbma paralealla univearssa, ja vuosttažis leat árktalaš birrasis. (Geahča musihkkavideo vuollelis áššis)

Das de molsašuvvá eará universii mas dan golbmasa fápmoeallis lea váldorolla, ja goalmmát báiki gos muhtin vuosttalda givssideddjiid geain eai leat ámadajut, čilge KEiiNO musihkkavideodahkki.

Ollugiidda lea Eurovision Song Contest giđa čábbámus máinnas ollugiidda, ja rešissevra Martin Sofiedal lea viežžan ođđa ideaid máidnasiin go ráhkadii KEiiNO musihkkavideo, mii almmuhuvvui duorastaga neahtas.

 

Jotket vuovdalemiin Eurohpás

Maŋŋel go KEiiNO vuittii Melodi Grand Prix lávlungilvvu Norggas lávlagiin «Spirit in the Sky», de lea lávlla čuojahuvvon badjelaš 3,3 miljovnna geardde Spotifys, ja lea leamaš bajimusas VG-listtus.

Moatti beaivvis lei maid lávlla dat nubbin eanemus čuojahuvvon lávlla máilmmis.

Dál galget mátkái Eurohpái ja vuovdalit lávlaga nu olu go sáhttet ovdal Eurovision finála miessemánus. Boahttevaš vahkkuid dollet konseartta stuora gávpogiin nu go Amsterdam, London, Madrid ja Riga.

Miessemánu 16. beaivvi gilvalit vuos oassefinálas Tel Aviv gávpogis, ja stuora finála lea easka miessemánu 18. beaivvi.

 

Regiija ja govven

Martin Sofiedal lea govvejeaddji Lørenskogas eret, Oslo lahkosis. Son lea gazzan oahpu Westerdals filbma- ja TV-oahpus.

Son lea luođđobargi rešissevran, ja lea ráhkadan muhtin reklámafilmmažiid.

Son lea maid fikšuvdnarešissevra, ja lea ráhkadan guba dievva oanehisfilmmaid, ja lea vuohččan ráhkadan guhkit filmma «Benjamin Falck og Dødsdolken» mii almmuhuvvo geasset.

Knut Svanes Lunde lea oahppan filbmejeaddji ja vázzán seamma skuvllas go Sofiedal. Son lea bargan Flåklypa filmmaiguin ja lea luođđofilbmejeaddji dál.

-Almmuhus-