Almmuhus

Almmuhus

Oddsoiddot loahpaha šovva

MAŊEMUSAT LÁVDDI ALDE: Oddsoiddot KEiiNO leat maŋemusat lávddis njukčamánu 2. beaivvi. Govva: Julia Marie Naglestad/NRK

Leat muhtun dehálaš fáktorat maid lágideaddjit leat geahččan ovdal go mearridedje goas giige galgá lávddi ala. Dál leat mearridan.

Mannan mánu almmuhii NRK dan logi lávlaga mat gilvalit dán stuora šovvas Oslo Spektrumis njukčamánu 2. beaivvi.

Dál lea mearriduvvon goas dát logi lávlaga galget gullot.

Melodi Grand Prix -doaimmahus lea dál almmuhan vuoruid goas gii ge galgá lávddi ala finálas, njukčamánu 2. beaivvi.

Oddsoiddot KEiiNO galgá maŋemus lávddi ala dan beaivvi.

VUORUT

1. lávlla: Chris Medina - ‹‹We Try››

2. lávlla: D´Sound - ‹‹Mr. Unicorn››

3. lávlla: Mørland - ‹‹En livredd mann››

4. lávlla: Anna-Lisa Kumoji - ‹‹Holla››

5. lávlla: Erlend Bratland - ‹‹Sing for You››

6. lávlla: Ingrid Berg Mehus - ‹‹Feel››

7. lávlla: Hank von Hell - ‹‹Fake It››

8. lávlla: Carina Dahl - ‹‹Hold Me Down››

9. lávlla: Adrian Jørgensen - ‹‹The Bubble››

10. lávlla: KEiiNO - ‹‹Spirit in the Sky››

 

Mearriduvvon goas artisttat galget lávddi ala

Dábálaččat lea čadnon gealdu ja digaštallan dasa makkár vuoruid artisttat galget lávddi ala.

Prošeaktajođiheaddji Stig Karlsen dadjá ahte lea dehálaš sihkkarastit šovva.

– Mihttun lávlagiid vuoruin lea heivehit daid vai juohke artista ja lávlla oažžu dan fuomášumi maid ánssáša. Maiddái sihkkarastin dihte buori TV-sáddaga, čilge Karlsen preassadieđáhusas.

 

Dehálaš fáktorat mearrideamis

Son lohká ahte leat eambbo fáktorat čadnon vuorroválljemii.

– Dasa lassin leat mis álo teknihkalaš ja logistihka hástalusat, čadnon lávdemolsumii ja buvttadeapmái mat maid váikkuhit mearrádusaid maid mii dahkat. Vuorut leat dál biddjon, muhto sáhttá ain rievdat go dál galgat geahččalit čađahit iežamet plánaid praktihkalaččat Oslo Spektrumas.

 

Jienasteapmi

Dál sáhtát juo háhkat alccet jienastanskovi. Skovis boahtá ovdan goas guhtege artista galgá lávddi ala, lassin jienastandieđuide. Dasa sáhtát deavdit iežat čuoggáid dađistaga go artisttat leat ovdanbuktán iežaset lávlaga, ja sáhtát addit čuoggáid lávdešovvas biktasiidda.

Jienastanskovi gávnnat dás.

Ovdasiiddus dál