Tromsø Arctic Pride lágiduvvon vázzima oktavuođas geigejedje Homofryd-bálkkašumi. Dán jagi oaččui Romssa falástallanbiras dan bálkkašumi.
Romssa fálastallansearvvit, Romssa Falástallanbiire, Romssa Spábbačiekčanbiire ja Romssa Falástallanráđđi, juogadit bálkkašumi.
Heivehit saji
Bálkkašupmi lea bajimus gudnebálkkašupmi man Tromsø Arctic Pride geige. Fálastallansearvvit ožžot bálkkašumi go leat rahpan uvssaid earáide ja čájehan movt nuppástuhttit guottuid vai homofobiija ii laskka ja aktiivvalaččat bargá olbmuid iešláganvuođa dohkkehemiin. Falástallanbiras lea ieš bargan dan ala ahte heivehit saji bonju falástalliide.
Njulgen heajos guottuid
Jury cealkámušas boahtá ovdan ahte dat golbma falástallansearvvi leat čárven gitta ovddeš osiid mat gusket heajos guottuide sin iežaset gaskkas, ja mii guoská bonju olbmuide. Nu leat dahkan go leat aktiivvalaččat viežžan dieđuid ja oahpásmuvvan servvodaga bonju ovddasteddjiiguin.
Falástallanbiras lea lágidan teáhtera mas homofiliija falástallamis lea guovddážis, ja earenoamážit spábbačiekčamis, ja leat iežaset miellahtuid bovden geahččat dan čájálmasa.
Dasa lassin lea Romssa falástallanbiras čájehan čielgasit buriid guottuid go leat deháleamos čiekčamiin addán beroštumi positiivvalaš beliide ja guottubargguide. Buot doaimmat oktii, seammás go Romssa falástallanbiras lea álgán ovttasbargat servviiguin nu go FRI ja Tromsø Arctic Pride, čájeha dehálaš guoddosignála falástallamii ja buohkaide geat gullet dasa.
Rámidii
– Lea stuora illu geiget dán gudnebálkkašumi dehálaš ja positiiva doibmii mii vuolgá falástallanbirrasis. Dat lea álgu dehálaš barggus, ja mii rámidit dan golbma falástallansearvvi go leat aktiivvalaččat bargan áššiin mii lea leamaš váttisvuohtan. Sávvamis lea boađus gártat álkibun bonju falástalliide čájehit geat sii leat, ja ahte sii sáhttet leat buorit rollamodeallat, lohká Tromsø Arctic Pride festiválahoavda Stein Sebastian Fredriksen preassadieđáhusas.
