-Almmuhus-
-Almmuhus-
-Almmuhus-
MAGASIIDNA– In diehtán ahte oaččun vuoittu

– In diehtán ahte oaččun vuoittu

-

-

Dán jagi lea lassivuoitu sutnje gii vuosttažiin duolmmasta sihkkeliin Sykkeltrimmenis.

Jahkásaš dáhpáhus, Sykkeltrimmen Guovdageainnus, lea jo 1979 rájes juohkán sihkkelvuoittuid 1 233 020 ruvnno ovddas. Dán jagi giccasta sihkkelvuoitosupmi vel badjelii. Oktiibuot leat 726 sihkkelat addon vuoitun álggu rájes.

 

Vuosttaš sihkkeliin

Ođas dán jagi lea lassi vuoitu sutnje gii vuosttažiin duolmmasta sihkkeliin mátkái.

– In diehtán ahte lea vuoitu sutnje gii lea vuosttažin. Lean manname eará sadjái maŋŋelaš nu ahte ferten dál iđđes doamihit sihkkelastit, lohka Inger Marie Tornensis ovdal bijada johtui.

Eará lassi vuoittut maid addet lea vuoitu nuoramussii ja boarrasepmosii. 

 

Oalle buorre dálki

Diibmá lei garra davádat Sykkeltrimmenis, ja yr.no dieđiha loaččes biekka ja sullii 10 lieggagráda odne go sihkkelastit fas duolmmastit 14 kilomehter guhkkosaš mátkái. Vaikko lea namma Sykkeltrimmen, de leat lágideaddjit heivehan nu ahte olbmot besset vázzit jus dan háliidit. Vázzinmátki lea ges 8 km guhkki.

“Sykkelgenerála” Isak Th. Triumf lei sávvat ahte livčče goalki odne, muhto dálki ii leat lahka ge nu vearrái go muhtin jagiid dás ovdal.

– Dalle lei nu čoaskkis ja čuorpmastii maid. Mii fertiimet sirdit goađi Vefasa luoddaerrui gos oaččui steampila kortii ovdal jorgala. Diibmá gal lei maid hui čoaskkis ja biegga, muitala Triumf.

 

Sykkeltrimmen vuolggasadji lea čáhcebasseaŋgga luhtte, Thon Hotealla bajábealde, ja lea gitta diibmu 18 rádjai. Nu go ovdal vuvdet lágideaddjit biepmu ja juhkosiid bisánanbáikkiin mat leat luoddaguoras. Loaddanummáriin gesset vuoittuid distaga GLR sáddema bokte.

-Almmuhus-