-Almmuhus-
-Almmuhus-
-Almmuhus-
KULTUVRAIsak Saba girji almmuhuvvo 

Isak Saba girji almmuhuvvo 

-

-

Borgemánu 22.beaivvi almmuhuvvo Isak Saba girji Vuonnabađas. Girjijs lea namma «Čállosat Isak Saba álbmotmuitočoakkáldat»  

– Fargga čuođi jagi leat golihan das rájes go Isak Saba jámii jagi 1921, muhto dál leat su áigumušat ja čállosat čohkkejuvvon girjái. Dál almmuhuvvo girji mii lea čoakkálmas su čállosiin maid Oslo universitehta vuorkkáin leat gávdnan, čállá Isak Saba guovddáš preassadieđáhusas.

Girjis leat čohkkejuvvon čállosat maid Isak Saba ieš lea čállán ja jorgalan 1900-logu álggus.

Girjjis gávnnat máidnasiid, diiddaid, muitalusaid Várjavuonas, nuortalaš álbmotmuitalusaid ja máidnasiid sámi lávlagiid ja nuoralaš leuddaid gullevaččat Paččjokkii. 

Isak Saba lei riegádan 1875 ja son áŋgirušai sámi áššiiguin olles su eallima, sihke oahpaheaddjin, stuorradiggeáirrasin ja álbmotmuitočohkkejeaddjin.

 

Okta su váibmoáššiin lei juohkit dieđuid ja máhtu árbevirolaš sámi áššiin boahttevaš buolvvaide.

Jagi 1906 válljejuvvui ge Isak Saba sisa Stuoradiggeáirrasin dego vuosttáš sápmelaš.

Seamma jagi son čálii «Sámi soga lávlaga» mii Sámekonferanssas 1986 šattai Sámi álbmotlávlla.

Son čálii maid viššalit sámi aviisi «Sagai Muitalægje».

Duorastaga lea girjealmmuheapmi Isak Saba guovddážis ja dan oktavuođas maid konsearta.

 

Ovttasbargu

Isak Saba girji lea guovttegielat gáldoalmmuheapmi ja dat lea Norsk Folkeminnesamling (NFS) Oslos mii almmuhan girjji. 

Girji lea ovttasbargu gaskal Norsk folkeminnelag (NFL), Isak Saba Guovddážiin Unjárggas ja Sámi arkiiva Guovdageainnus.

Kulturhistorihkkár Line Esborg, IKOS, Oslo Universitehtas lea čállán álggahusa čoakkáldahkii ja dahkan rievdademiid girjjis. Maiddái Esborg boahtá álmmuhandoaluide.

 

Nuortalaš árbevirolaš musihkka

Girjealmmuheami oktavuođas lea maid konsearta gos Suõmmkar joavku čuojaha, geat ovddastit nuortalaš árbevirolaš musihka ođđaáigásaš musihkain.

Suõmmkar  joavkkus leat guokte nuortalaš nissona, Anna Lumikivi ja Hanna-Maaria Kiprianoff geat lávluba ja leuddeba.

Marko Jouste, Pessi Jouste, Ari Isotalo ja Elias Nieminen čuojahit čuojanasaid.

Doalut leat borgemánu 22.beaivvi diibmu: 18.30 Vuonnabađas, Trattoria Caprisis.

-Almmuhus-